Што значи проверен добавувач
Добавувачот е проверен кога податоците за фирмата, адресата, производството и банкарската сметка се потврдени со докази. Веб-страницата, профилот на Alibaba и разговорот на WhatsApp се почетни информации. Значките на платформите покажуваат дека фирмата платила членство или поминала проверка на самата платформа. Тие не потврдуваат дека серијата ќе одговара на мострата, ниту дека количината ќе биде точна.
Во 20 години работа со Кина најчесто се повторуваат истите проблеми: мострата е подобра од серијата, количината е помала од платената или материјалот е заменет со поевтин. Сите овие проблеми можат да се откријат пред товарење, доколку некој ја провери робата на лице место. Нашите агенти ја проверуваат робата во нашите магацини во Јиву (Yiwu) и Нингбо, како и во фабриките на било која локација во Кина.
Фабрика, трговска фирма или посредник
← Лизгајте за сите колони →
| Тип | Како се препознава | Кога е добар избор | Ризик |
|---|---|---|---|
| Фабрика | Производство на адресата, машини и работници, производна дејност во лиценцата | Поголеми количини, сопствен дизајн, редовни нарачки | Висока минимална количина (MOQ), послаба комуникација на англиски |
| Трговска фирма | Канцеларија или изложбен простор, многу различни производи | Многу артикли во мали количини, мешани нарачки | Непозната фабрика, маржа во цената |
| Посредник | Без своја фирма и лиценца, само контакт и понуди | Ретко | Не е познато кому се плаќа и кој одговара |
На пазарот во Јиву продавницата најчесто е изложбен простор, зад кој стои фабрика или трговска фирма. Пазарот има повеќе од 75.000 продавници (Chinagoods), па самото постоење на продавница не кажува ништо за производството.
Предупредувачки знаци
На овие знаци нашите агенти внимаваат пред нарачката и пред секоја уплата:
- Промена на банкарската сметка во последен момент, особено по е-пошта. Тоа е најчестиот знак за измама.
- Лична сметка наместо сметка на фирмата.
- Сметка на друга фирма, често во друга земја, „поради даночни причини“.
- Притисок за брза уплата: „цената важи само денес“ или „губите место во производството“.
- Цена многу пониска од сите други понуди за ист производ.
- Барање за целосна уплата однапред за прва нарачка.
- Трговска фирма што се претставува како фабрика.
- Одбивање да се покаже производството преку видео во живо. Вистинска фабрика такво видео испраќа истиот ден.
- Одбивање писмено да се потврди спецификацијата.
- Документи за сообразност за сличен производ, а не за Вашиот модел.
Начинот на плаќање го договараме за секоја нарачка.
Чести измами и грешки
← Лизгајте за сите колони →
| Што се случува | Како изгледа | Како го откриваме |
|---|---|---|
| Мостра како мамка | Мострата е одлична, а серијата е поевтина верзија | Споредба на робата со зачуваната мостра пред товарење |
| Помала количина | Платени се, на пример, 500 картони, а натоварени се помалку | Броење на картоните, со извештај со фотографии и видеозаписи |
| Замена на картони | Во горните картони е договорената роба, а во долните има друга | Отворање картони од различни места на палетата |
| Погрешен материјал | Друга пластика, потенка ткаенина, друг метал | Мерење и споредба со спецификацијата |
| Погрешно пакување | Нема етикета на македонски или ознака за возраст на играчка | Проверка на пакувањето пред товарење |
| Добавувачот исчезнува | По уплатата на капарот добавувачот не одговара | Проверка на лиценцата и адресата пред нарачка |
| Лажна сметка | Нови банкарски податоци од „колега“ | Потврда преку друг начин на комуникација, уплата само на сметка на фирмата |
Како проверуваат нашите агенти
Во Кина работат четворица агенти, вработени во Трансконт. Работат на англиски и кинески и ги читаат лиценците и договорите во оригинал. Во Јиву сме најсилно оперативно присутни, а агентот може да отпатува на било која локација во Кина за да ја посети фабриката.
- Пред нарачка. Ја прегледуваат деловната лиценца (营业执照) и го проверуваат единствениот код на фирмата во кинескиот државен регистар. Ја посетуваат адресата, разговараат со добавувачот на кинески и утврдуваат дали робата навистина се произведува таму.
- Мостри. Мострите од повеќе добавувачи ги собираат на едно место и Ви ги испраќаат со фотографии. Мерките, материјалот, пакувањето и етикетите ги внесуваат во нарачката.
- Додека трае производството. Ја следат нарачката и, по потреба, ја посетуваат фабриката.
- Документи за сообразност. Утврдуваат дали извештаите се издадени од лабораторија и дали се однесуваат на Вашиот модел. За играчки тоа се извештаи по EN 71 и изјава за сообразност, а за осветлување и електрични производи документи според директивите за низок напон, EMC и RoHS. Барањата за Вашиот производ потврдете ги пред нарачка.
- Пред товарење. Збирните пратки и робата од Јиву ги проверуваат во нашиот магацин, а целите контејнери во фабриката. Робата ја бројат, отвораат картони и ја споредуваат со мострата и нарачката. Добивате извештај со фотографии и видеозаписи и одлучувате дали робата се товари.
Проверката во фабрика значително го намалува ризикот од измама, несоодветна роба и отстапување од договорените спецификации. Не работиме по формален стандард за инспекција како AQL и не ветуваме дека добавувачот нема да згреши. Робата ја проверуваме додека е во Кина, кога проблемите сѐ уште можат да се решат.
На овој начин соработуваме со велетрговец со играчки кој има над 10 увози годишно: целиот процес, од нарачките во продавниците на пазарот до проверката во магацинот, го води преку нашиот тим во Јиву. Кај играчките ги проверуваме и ознаките, упатствата и документите за сообразност.
Набавка со наш агент
На далечина набавуваме роба кога изборот е ограничен на мал број различни артикли со јасни спецификации, а понудите ги собира нашиот агент во Кина. За широк асортиман ситна роба Ве придружуваме на патување во Јиву или на кој било друг пазар во Кина. Проверката пред товарење е опишана на страницата контрола на квалитет во Кина, а текот на увозот во водичот како да увезете роба од Кина. Улогите на агентот и на шпедитерот се споредени во водичот агент или шпедитер.
Испратете ги податоците за добавувачот
Испратете ни го името на добавувачот или линк до неговата страница и наведете што нарачувате и во која количина. Ќе Ве известиме што може да се провери пред нарачката и што ни е потребно за тоа.
