Што прави агентот, а што шпедитерот
Агентот во Кина ја води набавката: го наоѓа и го проверува добавувачот, ја следи нарачката и ја проверува робата пред товарење. Шпедитерот ја царини робата: ја подготвува царинската декларација и ги пресметува царината и ДДВ. Во Македонија под шпедиција често се подразбира и превозот од Кина, бидејќи многу шпедиции го нудат и него.
Кај нас улогите се поделени. Трансконт има сопствени агенти, канцеларии и магацини во Јиву (Yiwu) и Нингбо. Ние ги водиме набавката и проверката, ја собираме робата во наш магацин и го организираме превозот до царинскиот магацин. Ние не вршиме царинење. Тоа, заедно со царината и ДДВ, го води шпедитер, Ваш или препорачан од нас.
Споредба: агент во Кина и шпедитер
← Лизгајте за сите колони →
| Клучни факти | Агент во Кина | Шпедитер |
|---|---|---|
| Кога започнува | Пред нарачката: производ, добавувач, мостра | Кога робата стигнува во царинскиот магацин. Ако го води и превозот, уште кога робата е готова за преземање |
| Што прави | Собира и споредува понуди, ги посетува фабриките, ги води преговорите, организира набавка на мостри, ја следи нарачката и ја проверува робата пред товарење | Ја царини робата и ги пресметува царината и ДДВ. Многу шпедиции нудат и превоз од Кина |
| Како се наплаќа | Дневно, по задача или со провизија, зависно од агентот | По пратка |
| Ризик што го намалува | Несоодветен добавувач, серија различна од мострата, погрешна количина, слабо пакување | Задржување на царина поради нецелосни документи |
| Што не опфаќа | Доцнење на бродот, пристанишни трошоци, царина | Дали во картоните е она што сте го нарачале |
| Кај Трансконт | Наши вработени агенти и магацини во Јиву и Нингбо. Го организираме и превозот до царинскиот магацин | Ваш шпедитер или препорачан од нас. Ги води само царинењето, царината и ДДВ |
Ниту агентот ниту шпедитерот не одговараат за изборот на самиот производ, промените на царинските стапки, пазарните цени на превозот и капар уплатен пред добавувачот да биде проверен. Ниту агентот ниту шпедитерот не можат да ветат дека добавувачот нема да згреши или дека робата ќе биде без дефекти.
Кога е доволен шпедитер
Без агент може да нарачувате кога добавувачот Ви е познат, повторно го нарачувате истиот производ со иста спецификација, робата доаѓа од еден добавувач и имате свој начин да ја проверите пред товарење. Тогаш одлучувате за рутата, рокот, цената и документите. Превозот до царинскиот магацин го организираме и како самостојна услуга, во цел контејнер или како збирна пратка, а царинењето останува кај Вашиот шпедитер. Волуменот пресметајте го во CBM калкулаторот.
Кога е потребен агент на терен
- Купувате нов производ или од нов добавувач.
- Не е познато дали добавувачот е фабрика или трговска фирма.
- Понудите треба да се споредат на кинески, а не само на англиски.
- Мострата била добра, но не сте сигурни дали серијата ќе биде со ист квалитет.
- Избирате широк асортиман ситна роба. Тогаш препорачуваме патување во Јиву, каде што наш агент Ве придружува во продавниците на пазарот.
Како ги проверуваме добавувачите е опишано во водичот проверка на добавувач од Кина.
Една нарачка, три начини на увоз
Нарачувате од четири добавувачи во Јиву: еден за играчки, еден за канцелариски материјали и две фабрики за пластика.
Само шпедитер. Овде шпедицијата ги води и превозот и царинењето. Секој добавувач ја доставува робата до складиштето на шпедитерот или до пристаништето. Класичниот шпедитер најчесто ја презема робата за транспорт, додека проверката на производството, количината и квалитетот во фабрика е посебна услуга. Ако еден добавувач доцни, робата од останатите чека или се испраќа во повеќе пратки.
Самостоен агент. Агентот ги посетува добавувачите и испраќа фотографии, а робата потоа ја предава на шпедитер по избор на добавувачот или на клиентот. Кога работи со самостоен агент, клиентот често нема лице за контакт или фирма на Балканот на која може директно да ѝ се обрати.
Агент, магацин и превоз во иста фирма. Така работиме ние. Робата од четирите добавувачи пристигнува во нашиот магацин. Таму ја броиме, отвораме картони и ја споредуваме со нарачката, а Вие добивате извештај со фотографии и видеозаписи и одлучувате дали робата може да се товари. Потоа ја товариме, издаваме коносман, ја носиме до царинскиот магацин и ги предаваме документите на шпедитерот, кој ја царини. Имате еден список, еден превозен документ и еден контакт за целата пратка.
Што да прашате пред да изберете
Ако шпедитерот Ви нуди и превоз, прашајте го до каде важи понудата (до пристаништето, до царинскиот магацин или до Вашиот магацин) и кој го издава коносманот. Ако превозот го водиме ние, од шпедитерот Ви треба само царинењето.
Агентот во Кина прашајте го:
- Дали е вработен во фирма или работи самостојно?
- Дали зема провизија од добавувачот?
- Дали по секоја проверка испраќа извештај со фотографии и видеозаписи?
- Дали има магацин за собирање и проверка на робата?
- Во кои градови е физички присутен?
Како ги спојуваме набавката и превозот
На кинескиот пазар сме од 2006 година. Седиштето ни е во Скопје, а вкупно имаме три канцеларии.
Во Кина, пред товарење
- Четворица агенти вработени во Трансконт зборуваат англиски и кинески.
- Во Јиву сме најсилно оперативно присутни, а Нингбо ни е тежиште за контејнерите.
- Агентот може да отпатува на било која локација во Кина: да посети фабрика, да ја провери робата или да Ве придружува на кој било пазар.
- Збирните пратки и робата од Јиву ги проверуваме во нашиот магацин, а робата за цели контејнери во фабриката. Во двата случаи добивате извештај со фотографии и видеозаписи.
Превоз, документи и достава
- Издаваме сопствени коносмани, па превозниот документ го подготвува фирмата што ја товарела робата.
- Имаме директно присуство во Солун, Драч и Бар, со годишни договори за превоз.
- Робата ја доставуваме до царинскиот магацин и ги предаваме документите на шпедитерот. Откако шпедитерот ќе ја оцарини робата, по договор организираме достава до Вашиот магацин. Повеќе на страницата документи и достава.
Велетрговец со сезонски подароци со кој работиме увезува над 15 контејнери годишно. Робата од повеќе добавувачи во Јиву се собира во нашиот магацин, се проверува и заминува во цели контејнери. Набавката и превозот ги води истата фирма.
Работата на агентот е опишана на страницата агент во Кина, а проверката пред товарење на страницата контрола на квалитет во Кина. Ако увезувате првпат, започнете од водичот како да увезете роба од Кина, а вкупниот трошок проценете го во калкулаторот на трошоци за увоз.
Како го организирате увозот?
Побарајте понуда: наведете дали имате добавувач и агент, што увезувате и колку често. Ќе Ви кажеме дали Ви треба само транспорт, дополнителна проверка или помош од набавката до доставата.
